Carito Minang (Isi Carano) N O S M O K I N G, Basamo Sutan Jo Bagindo


N O   S  M  O  K  I  N  G

no_smokingJadi tema awak kini masuak ka hiduang barasok. Kalau dapua nan barasok , bisa di kecek an sabagai lambang kamakmuran,tando lai barisi juo tungku tu . Karano lai ado juo bareh nan ka ditanak. Tapi kalau hiduang nan barasok, ikolah kalua dari fitrahnyo. Kito di agiah duo lubang hiduang untuak kalua masuak udaro nan kito hiruik, tapi ba a kok karunia Allah nan indak tahinggo tu awak kotori jo asok baracun. Katonyo  adolah lambang kabaranian jo lambang urang-urang sukses.

Tapi Gindo, di kampuang ambo banyak pulo iduang urang nan barasok, karano di situ nagari nan paliang dingin, tarutamo di pagi hari. Di situ kalau ado urang nan manguok, kalua asok dari muluiknyo sarupo urang kutub utara.

Nan Ambo mukasuik indak urang di kampuang Sutan tu do, tapi asok nan kalua dari urang marokok. Dari asok rokok si pemberani yang barani mancilakokan diri surang. Harakiri,Barani mati karano rokok sendiri.

Manuruik Ambo itu bukan  sipemberani .lambang sipemberanitu  adolah sabantuak Khalid Bin Walid.Nan piawai mamporak porandakan pasukan musuah ,tapi kalau sipemberani nan Gindo kecek an ko lain,kadang nyo barani katiko didalam WC .Inyo indak sagan sagan didalamWC tu mangorbankan rokok agak tigo batang.Indak sadar inyo,bahaso dilua urang alah antri.Simpang ampek jalan ka Padang,Sumpik jo nasi basamba lado.Sanang nyo dapek di inyo surang,Sakik dibagi basamo samo.Nha baa kiro kiro Gindo ?.

Ambo sabuik inyo tadi sipemberani karano mambaco iklan nan ditapi jalan tu Sutan,tapi ado nan tapikia dek Ambo,urang nan ado didalam iklan tu inyo antah lai marokok antah indak,karano dalam kanyataan,urang nan marokok indak ado nan sagagah nan di dalam iklan tu.Nyo kan mode iko Sutan,kalau korban banjir,capek uarang manolong manyadioan tampek mangunsi,tapi kalau korban iklan baa caro manolong nyo,awak agiah inyo sembako ,indak ka mungkin,karano nan nyo butuhkan indak sambilan bahan pokok,tapi ciek yaitu rokok…

Tapi indak mungkin gindo,paruik nyo ka kanyang sajo dek maisok,nan kalua masuak muluik nyo Cuma asok dima ka kanyang.Jadi gindo,nan inyo  paraluan dek si pemberani sabananyo bukan rokok, tapi nasi,kalau memang iyo rokok,suruah nyo maisok agak tigo pak,patamuan nyo jo singo nan sadang lapa,barani ndak inyo .apolagi singo ,mancaliak lawannyo parokok barek tambah nyo sasau nan ka lai…

Jadi yo Sutan kalau ingin jadi sipemberani sajati saratnyo tantu barani dulu untuak indak marokok,kan yo baitu.Jadi baa pulo iklan nan manggambarkan rokok adolah lambang kesukesan,nan kelihatan enerjik,mantereng,maco men,kecek anak mudo.sudah tu ,baa kok indak ado iklan rokok nan manampilkan laki laki nan pakai tarompa,karano inyo nan paliang banyak maisok rokok.Ambo ado oleh oleh ciek untuak sutan,cubo danga yo..Malang nasibnyo Angku Sikaduduak,Ciek maangok ciek batuak,Malam hari mato payah takantuak,Duduak di suduik maanguak angguak,Samakin lamo badan samakin lapuak,Tungkeklah nyo sangko tangkai sanduak..Tau ndak sutan apo rahasia kesuksesan Angku Sikaduduak ko,mako nasib nyo bantuak itu,indak lain adolah karano rokok tadi.Tungkek lah nyo sangko tangkai sanduak, aratinyo baliau alah pikun,walau pun baitu masih juo mancari rokok…


no.smoking-7.minutesO ..Gindo,lai indak salah sabuik Gindo tu,Gindo kecek an pulo rahasio kesuksesan Angku tu karano rokok.Sacaro indak sangajo Gindo kah jadi korban iklan pulo tu mah,tapi ndak baa do Gindo ,asa lai indak Gindo nan marokok.Lai tau Gindo,kato kato ROKOK tu barasa dari duo rumpun huruf,yaitu RO dan KOK.RO aratinyo rontok,KOK aratinyo bengkok.jadi Gindo kalau indak ingin capek rontok jo bengkok ,jauhilah rokok.Dari sagi apopun mancaliak nyo rokok tu tatap indak elok.Apolagi dari sagi agamo, kecek buya tando tando bayiak nyo Islam seseorang apobilo inyo lah bisa maninggaan sesuatu nan indak bamanfaat….

Jadi yo sutan,untuak maajak urang supayo baranti marokok alun cukuik jo manempe nempe stiker No Smoking no Smoking tu .Kini Ambo pulo nan batanyo ka sutan ,SMOKING tu aratinyo apo,aratinyo adolah Smakin lamo smakin ceKing.iko khusus untuak nan parokok,jadi kalau indak ingin jadi smoking ,jauhi rokok.Caro manjauhi tantu dari kasadaran Awak surang…

Tapi Gindo ,Untuak manumbuahan kasadaran surang nan sulik,indak samo jo manumbuahan rumpuik,inyo tumbuah surang sajo.Tapi untuak manumbuahan kasadaran ,indak ado pupuak nyo urang manjua, Awak agiah pulo pupuak urea rabah nyo. (Abu Fahmi) 

Mari kita dengarkan siaran isi carano di radio Ray Fm 95.1 Mhz Padang, atau selalu di www.radiorayfm.com

Silakan di download MP3 nyo di http://www.mediafire.com/?88ws4b260h61d30

About admin

Berjuang menegakkan Dakwah Sunnah di Ranah Minang

Posted on 28 Februari 2013, in Isi Carano and tagged , , , , , , . Bookmark the permalink. Tinggalkan komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: